La nieve

Desde pequeña prestame pola vida cuandu la tierra cambia el traxe , paez que va casase y vistese de blancu.

 Alcuerdome cuandu quedaba pegada a la ventana viendo los faloupos (copos de nieve) cayer mentantu mi ma alimentaba la cocina carbón y poniala al roju vivo, esi tiempu en que cuandu nevaba la xente los pueblos no podiamos baxar a la «ciudad» y contabamos en casa con una despensa bien llena.

Pa mi era prestoso en forma ya que podía jugar con la mi prima, el mi hermanu y collacios del pueblu sin dir a clase. Aquellos guantes que calaben y mi ma poníame los de fregar enriba pa que nun tuviera frío o les catiusques con calcetu y bolsa del economato pa que nu xelaran los pies. Volver a casa muerta frío y querer seguir jugando

Agora ye diferente, too ye diferente

Alcuerdome cuandu entamé vivir en la cabana que los vaqueros y xente del pueblu decienme que nun diba aguantar l´iviernu equí arriba, ya sabeis toos comu pañé lleña y demás pero nunca imaxiné que la primera nevada fuera esta aventura.

Llega l´iviernu y yo tengolo too preparao…o eso pensaba. Alcuerdome que yera entamu Payares y l´aire yera xelón  .

Unu de tantos diis que salí a caminar y llegó la truena !!!!

Ay mamina!!! cuandu llegué a la cabana había goteres coles que nun contaba. Rápidamente puse debajo potes ,calderos y too lo que tenía pa poder recoyer agua, pero a falta valdes pa toles goteres la cabeza entamó a discurrir…

La cabana por dentro tenia el techu con ripies de madera y l´agua colabase por dellos sitios, asina que garré una balleta , cortela en tires y clavé con una chincheta cada tira de balleta onde había gotera,tenía un montón de tires colgando del techu col agua q´absorbíen pingando, asina que con unes pinces de la ropa fui xuntando una a otra hasta facer un solu canal de desagüe y debaxu punse una pota, pota que tenía que controlar si se llenaba pa dir vaciandola

Primera prueba superada!!  Llueu en primavera punse un plasticu en teyau y volví tapinar enriba

Les cabanes son idiliques pero tienen munchos furacos…

Acuerdome un día ,d´ esos de ventisca y nieve polvo ,esos que no se pue asomar la cara fuera porque te quema ,que taba yo sentada al pie la chimenea leyendo un periodicu del mes anterior (porque a soles lees hasta les instrucciones la sopa sobre)  y entamó a nevame enriba

Que!! nun puedo creelo!!    ….solía hablar sola bastantes veces

Por un furaquin de la pared colabase la nieve polvo y salia el calor. Eso nun puedo permitilo!!

Equí arriba nun tenía  nada , así que con periodicu y agua fice una pasta pa tapar el furacu… Agora si!!

De too hay que llevar enseñanza ,entós, comu nun sabía onde más tapar, garré una de les veles que allumaben y entamé pasala por les paredes, si la llume se movía yera que se colaba l´aire, y ahí…pasta periodicu que te crió

Col tiempu evolucioné y ponía plastilina de colores, na cual quedaben rexistraos los pasos de los ratoninos que s´atrevíen a acompañame

Ye perguapo eh! ye perguapa la nieve …hasta que te das cuenta que pue tapate entera na cabana y pierde la gracia, y abres la puerta y topes un muru blancu como la nata

y agora que!! Agora palia cola paleta carbón pa nun xelar les manes  porque yes tan fata que dexaste la pala bona fuera. Intento nun meter muncha humedá dentru, pero si quiero salir… entós entamé a meter la nieve en potes, taper y calderos, cuandu pude salir escargatiando, entamé quitar nieve de fuera pa dentro.

Nun lo podía creyer… solo asomaba una picalina la chimenea,too lo demás taba enterrao pola nieve

Pala en mano entamé a quitar tola nieve onde la cabana, ehí el propiu mugor (sudor) faciase xelu nel pelu, tenía que tener muchu procuru nun garrar fríu, ya que si me ponía mala equí arriba nun tendría fácil escapatoria

Pasar así 3 o 4 días llega a agobiar la cabeza y hay que tar ocupada siempre, sino mala cosa

y la recompensa llega el día que pues salir, la blancura virxinal, el silenciu ,la montaña…ahí daste cuenta, cuantu mereció la pena la espera….

Deja un comentario

Tu dirección de correo electrónico no será publicada. Los campos obligatorios están marcados con *

Scroll al inicio
Abrir chat
Hola, has llegado hasta el Refugio del Meicín!
¿En qué podemos ayudarte?
Ir al contenido