Un abelugu metanes el monte con muncha hestoria
Nel añu 1966 el Centru Cultural mierense empezaba les obres para faer un abelugu en La Vega del Meicín. Apurría’l material y servicios voluntarios para trabayar ellí.
L’abelugu yera llibre y tuvo en funcionamientu hasta’l 2006 cuando pol deterioru del mesmu La Federación de monte decide’l valtamientu d’este y la construcción de 1 nuevu que s’axuste a les nueves necesidaes del montañeru, esta vegada sería un abelugu guardáu y con serviciu de cocina , bar etcétera.
Nel añu 2008 inaugúrase l’abelugu del Meicín con un nuevu edificiu.
¿Qué nos fai distintos?
Pola so situación xeográfica y l’accesibilidá hasta l’abelugu, yá que son 2,5 km lo que nos dixebra del pueblu tuiza Riba faen que l’abelugu del Meicín sía un sitiu familiar al empar qu’alpín onde poder dir pasar el día.
L’acercamientu ye senciellu y para toles edaes, siendo un abelugu qu’ufierta comíes caseres y onde los más pequenos pueden llegar cuntamos con una terraza onde esfrutar del día y de la nuesa cocina yá sía dempués d’una ruta o a cencielles por xubir a esfrutar de la redolada.
Gústanos motivar a los más pequenos asina que Gummo escurrió una manera de faer que quieran volver cada vez que nos visiten regalará-yos una chapa con una semeya del abelugu, caúna con una estación del añu distintu, cuando xunten los cuatro aparques regalarémos-y una camiseta de “Súper montañeru”.
Collaboraciones
